لاہور( این این آئی) چین پاکستان اقتصادی راہداری کلچرل کمیو نیکشن سنٹر اپنی ٹیلنٹ کوریڈور سکیم کے تحت ایک ہزار پاکستانی طلبہ کو ایک سالہ پیشہ وارانہ تربیت کے لئے سکالر شپس دے گا۔ کلچرل کمیو نیکیشن سنٹر کے ڈائریکٹر جنرل نے کہا کہ طلبہ کو چین کی مختلف جامعات اور اداروں میں تربیت کے دوران مفت تعلیم اور قیام کی سہولت فراہم کی جائے گی۔
پروگرام کے پہلے مرحلے میں انہیں خلا اور برق رفتار ٹرین ٹیکنالوجی کے بارے میں پڑھایا جائے گا جس کے بعد پن بجلی اور شمسی توانائی انجینئرنگ کے شعبوں کی تربیت دی جائے گی۔ نچلی سطح پر منتخب کئے جانے والے طلبا کو مختلف مشینیں چلانے کی تربیت دی جائے گی۔ بتایا گیا ہے کہ تربیت اس سال نومبر سے چین میں شروع ہوگی۔
