لندن(مانیٹرنگ ڈیسک) تحریک انصاف کے سربراہ عمران خان کی سابق اہلیہ ریحام خان کی کتاب کی ممکنہ آمد پر تبصرے قدرے دھیمے ہو ئے تھے کہ ریحام کے ٹوئٹر نے سوشل میڈیا پر پھر ہلچل مچادی۔ریحام کا ٹوئٹر پیغام میں کہناتھا کہ انہیں ایک سیاسی جماعت نے شمولیت کی دعوت دی تھی تاہم میں نے جواب دیا تھا کہ میں نقاب نہیں لے سکتی البتہ داڑھی رکھ لوں گی۔
انہوں نے فرضی داڑھی کے ساتھ فوٹو شاپ پر ایڈٹ کی گئی اپنی تصویر شیئر کی اور مزاحیہ انداز میں تحریر کیا تھا کہ دیکھیں مجھ پرداڑھی سج رہی ہے؟۔اب اسے ریحام خان کی بد قسمتی کہا جائے یا کچھ اور انہوں نے جس داڑھی والی تصویر کواپنی تصویر کے ساتھ ایڈٹ کیا وہ مفتی اسماعیل مینک کی تھی جسے انہوں نے نہ صرف دیکھا بلکہ انتہائی منفرد اور دلچسپ انداز میں اس پر تبصرہ کرتے ہو ئے مشورہ بھی دیا ۔مفتی اسماعیل مینک نے اپنے ٹوئٹر پیغام میں تحریر کیا کہ وہ کبھی پاکستان نہیں گئے اور نہ ہی وہاں کی سیاسی معاملات کو سمجھتا ہوں البتہ ریحام کیلئے مشورہ ہے کہ وہ کیپ ٹاؤن میں واقع عالیہ کلینک ضرور جائیں وہاں ان کو اپنے مسائل کا حل مل جائے گا ۔واضح رہے عالیہ بیوٹی کلینک معروف بیوٹی کلینک ہے جہاں میک اپ کی سہولیات فراہم کرنے کے علاوہ بازووں، ٹانگوں اور چہرے کے غیر ضروری بالوں کو لیزر کے ذریعے ختم کیا جاتا ہے ۔مفتی اسماعیل مینک کے جواب سے سوشل میڈیا صارفین نہ صرف محظوظ ہو رہے ہیں بلکہ مذہبی جماعتوں کے رہنمابھی تبصروں میں مصروف ہیں۔
