پشاور(نیوز ڈیسک) ایم ایم اے کے صدر ٗ جمعیت علمائے اسلام (ف)کے قائد مولانا فضل الرحمان بھی’’ کپتان چپل‘‘ کے دلدادہ نکلے ۔میڈیا رپورٹ کے مطابق پشاور کے مشہور چپل مارکیٹ کے چاچا نورالدین نے تحریک انصاف کے چیئرمین عمران خان کیلئے خصوصی طور پر پشاوری چپل تیار کئے تھے جس کے بعد چاچا نور الدین کا تیار کردہ ڈیزائن راتوں رات
مشہور ہوگیا اور عوام کی بڑی تعداد نے کپتان چپل کے نام سے مشہور ہونے والے ان جوتوں کیلئے ان کی دکان کا رخ کیاتاہم 24جون کو متحدہ مجلس عمل کے پشاور جلسہ کے دوران ایم ایم اے کے سربراہ مولانا فضل الرحمان نے بھی کپتان چپل پہن رکھے تھے جس کی تصاویر سوشل میڈیا پر وائرل ہوگئیں جس پر صارفین طرح طرح کے تبصرے کررہے ہیں۔
