اسلام آباد (مانیٹرنگ ڈیسک) چینی ایمبیسی کے ڈپٹی چیف مشن لی جیان ژاؤ نے کہاہے کہ پاک چین اقتصادی راہداری کا منصوبے کا آغازسابق صدر آصف علی زرداری نے 2013 میں کیا تھا اور انہوں نے وقت کے چینی وزیراعظم کے ساتھ اس پر مشاورت بھی کی تھی۔سی پیک اینڈ رول آف میڈیا کے حوالے سے ہونے والے سیمینار سے خطاب کرتے ہوئے لی جیان ژاؤ نے کہا کہ پاک چین اقتصادی راہداری کے منصوبوں کی کامیابی کا انحصار شفافیت پر ہے۔
ان کا کہناتھا کہ سی پیک پاکستان کا قومی منصوبہ ہے اور یہ ون بیلٹ ون روڈ منصوبے کا حصہ ہے۔انہوں نے چینی قیدیوں سے سی پیک پر کام کروانے کی تمام افواہوں کو بے بنیاد قرار دیتے ہوئے کہا کہ یہ منصوبہ پاکستان اور چین کے تعلقات کو مزید مضبوط بنائے گا اور دوستی کو فروغ دے گا۔لی جیان ژاؤ کا کہناتھا کہ سب سے ضروری چیز سائنٹفک پلاننگ ہے اور اس کے بعد عملدرآمد ہے ، اتفاق رائے مشاورت سے ہی پیدا ہوتی ہے جس کے نتیجہ میں متعدد قسم کے فوائد حاصل ہو تے ہیں۔
