اسلام آباد (مانیٹرنگ ڈیسک) پاکستان کی آٹو مارکیٹ میں چین کی دبنگ انٹری، جدید الیکٹرک گاڑیاں متعارف کروانے کا منصوبہ ۔ تفصیلات کے مطابق چین کی سرکاری آٹو مینو فیکچرنگ کمپنی “جیک موٹرز” اپنے نئے منصوبے کے تحت پاکستان میں الیکٹرک گاڑیاں متعارف کرانا چاہتی ہے۔ کمپنی کے ڈپٹی چیف کا کہنا ہے کہ ہم مستقبل میں طویل مدتی ترقیاتی پروگرام کے تحت پاکستانی مارکیٹ میں خاص طور پر بجلی کی نئی گاڑیوں کو
متعارف کرانے کی منصوبہ بندی کررہے ہیں۔پاکستان کی معاشی صورتحال پر اعتماد کا اظہار کرتے ہوئے، انہوں نے کہا کہ پاکستان کی معیشت اب بہتری کی طرف جا رہی ہے اور کمپنی کی انتظامیہ سوچ رہی ہے کہ وہ پاکستان میں پیداوار بڑھانے کے مواقعوں کو استعمال کریں۔ الیکٹرک کاروں کی قیمت بہت کم ہے، جس سے درمیانی طبقے کے لوگ مستفید ہوں گے۔ اس لیے یہ بہترین وقت ہے کہ پاکستان میں بجلی سے چلنے والی گاڑیاں پیش کی جائیں۔
