اسلام آباد(مانیٹرنگ ڈیسک)لاہور اسلام آباد موٹروے کی مرمت کا ٹھیکہ سونے کی دیگ بن گیا، نواز شریف کے یار اور پاکستان کے سب سے امیر ترین شخص میاں منشا نے لاہور اسلام آباد موٹروے کےارد گرد درختوں کو کاٹ کر تین ارب روپے کی لکڑی فروخت کردی ، سرکاری دستاویزات میں انکشاف۔ تفصیلات کے مطابق لاہور اسلام آباد موٹروے کی مرمت کا ٹھیکہ میاں منشیا کیلئے سونے

کی دیگ ثابت ہو گیا۔سرکاری دستاویزات کے مطابق نواز شریف کے یار اور پاکستان کے سب سے امیر ترین شخص میاں منشا نے لاہور اسلام آباد موٹروے کےارد گرد درختوں کو کاٹ کر تین ارب روپے کی لکڑی فروخت کردی ہے۔درختوں کے کٹائو کی وجہ سے موٹر وے کے ارد گرد ماحول کا شدید مسئلہ پیدا ہو چکا ہے اور موٹر وے پر سفر کرنے والوں کو شدید مشکلات کا سامنا کرناپڑتا ہے۔ سرکاری دستاویزات کے مطابق سابق وزیراعظم نواز شریف نے لاہور اسلام آباد موٹر وے کی مرمت کا ٹھیکہ اپنے دوست میاں منشاء کو دیا تھا ۔ میاں منشا کی کمپنی نے معاہدے کی خلاف ورزی کرتے ہوئے موٹروے کے ارد گرد تین ارب مالیت کے درخت بیچ دئیے ہیں اور عام اندازے کے مطابق 70فیصد درخت موٹرو ے کے ارد گرد کاٹ دئیے گئے ہیں جس سے ماحول کا شدید مسئلہ پیدا ہوگیا ہے۔حکومت کے ساتھ طے معاہدے میں موٹروے کے اردگرد موجود درختوں کی کٹائی کے حوالے سے کوئی معاملہ طے نہیں تھا لیکن لیکن این ایچ اے حکام کے ساتھ ملکر تین ارب روپے کے درخت بیچ کر ہضم کرلئے گئے ہیں۔ واضح رہے کہ لاہور سے اسلام آباد تک موٹروے پر گیارہ لاکھ 70ہزار درخت اگائے گئے تھے تاہم این ایچ اے حکام نے مبینہ طور پرمیاں منشاء کو کمرشل مقاصد کے لئے درخت کاٹنے کی اجازت دی۔میاں منشا کی کمپنی نے معاہدے کی خلاف ورزی کرتے ہوئے موٹروے کے ارد گرد تین ارب مالیت کے درخت بیچ دئیے ہیں اور عام اندازے کے مطابق 70فیصد درخت موٹرو ے کے ارد گرد کاٹ دئیے گئے ہیں