پاکپتن(این این آئی) وفاقی وزیر پانی و بجلی عابد شیر علی نے کہا ہے کہ میاں نوازشریف نے کبھی بھی ملکی مفادات کے خلاف کوئی بیان نہیں دیا یہ صرف مخالفین کے پروپیگنڈے ہیں، میاں نوازشریف پاکستان کے سپاہی ہیں،میاں محمد نوازشریف ایک محب وطن اور سچے پاکستانی ہیں ، ایسی چیزوں کو غلط ٹریٹ کرنا ملک اور ہر

پاکستانی کیلئے نقصان دہ ہے،ساری مخلوق خداکی ہے چاہے خلائی ہوخدا کی مخلوق ہے،اللہ تعالیٰ پاکستان پر مسلط مسائل سے بچائے،عمران خان خیبر پی کے نیا نہیں بنا سکے ،عمران خان نے الزامات اور انتشار کی سیاست کی ہے،خیبر پی کے میں نہ کوئی تعلیمی ادارہ بنا نہ کوئی ہسپتال بنا،عمران خان نے خیبر کے پی کے لوگوں کے ساتھ فراڈ کیا،عمران خان پیدائشی فراڈیہ ہے،اللہ تعالیٰ پاکستان کو ان کے شر سے بچائے۔ان خیالات کا اظہار انہوں نے سلسلہ چشتیہ کے عظیم بزرگ حضرت بابا فرید الدین مسعود گنج شکرؒ کے دربار پر حاضری کے بعد میڈیا سے گفتگو کے دوران کیا۔اس موقع پر مسلم لیگ (ن) کے سینئر ضلعی نائب صدر عاطل محمود منے خاں سمیت مسلم لیگی کارکنان اور شہریوں کی کثیرتعداد موجود تھی۔انہوں نے کہا کہ کسی کے آنے یا جانے سے پارٹی کو کوئی فرق نہیں پڑتا،انشاء اللہ 2018 کا الیکشن بھرپور طریقے سے کامیاب کریں گے،مسلم لیگ (ن) کی حکومت نے عوام اور کاشتکاروں کو زیادہ سے زیادہ سہولیات فراہم کیں،عوام مسلم لیگ (ن) کی کارکردگی پر اعتماد کا اظہار کرتے ہیں، قوم میاں نوازشریف کی قیادت میں متحد ہے۔اس موقع پر وفاقی وزیر نے ملک وقوم کی سلامتی کیلئے خصوصی دعائیں کی۔ علاوہ ازیں میڈیا گفتگو کے دوران کلبھوشن یادیو کے پر (ن) لیگ کی خاموش کے صحافی کے سوال پر عابد شیر علی بات کیے بغیر ہی چل دیئے ،وفاقی وزیر پانی وبجلی کی پاکپتن آمد کے موقع پر بجلی بند رہی۔