اسلام آباد(مانیٹرنگ ڈیسک)پاکستانی خفیہ ایجنسی آئی ایس آئی کی شاندار کارکردگی، سخت ترین دشمن بھی تعریف پر مجبور، دنیا کی نمبر ون خفیہ ایجنسی قرار دیدیا۔ تفصیلات کے مطابق بھارتی ایجنسی ” را ” کے سابق سربراہ امرجیت سنگھ دلت نے اسد درانی کے ہمراہ لکھی گئی کتاب میں تسلیم کیا ہے کہ آئی ایس آئی کے کسی ممبر کی وفاداری بدلنا ناممکن ہے۔” را ” تو کسی آئی ایس آئی ممبرکو نہ پکڑ سکی لیکن پاکستانی ایجنسی نے کلبھوشن کو رنگے ہاتھوں پکڑ کر
اعتراف جرم بھی کرالیا۔انہوں نے اعتراف کیا کہ آئی ایس آئی ہی دنیا کی نمبرون خفیہ ایجنسی ہے ،یہ اٹل حقیقت ہے۔سابق سربراہ ’ را ‘ نے یہ بھی لکھا کہ آئی ایس آئی اتنی موثر تنظیم نہ ہوتی تو ہر روز انڈیا میں اس پر الزام نہیں لگ رہا ہوتا۔خیال رہے کہ امرجیت سنگھ دلت پاکستانی خفیہ ایجنسی کے اتنے معترف ہیں کہ جب ایک پاکستانی صحافی نے ان سے آئی ایس آئی کے حوالے سے سوال کیا تھا تو ان کا کہنا تھا کہ وہ آئی ایس آئی کا سربراہ بننے کو اپنے لئے بہت بڑا اعزاز سمجھیں گے۔
