اسلام آباد(نیوزڈیسک)منافع خوروں نے رمضان کے مقدس مہینے میں لوٹ مچادی،پھل سبزی اور دیگر اشیاء خورد و نوش کتنے فیصد مہنگی ہوگئیں؟پاکستان اکانومی واچ کے حیرت انگیز انکشافات، تفصیلات کے مطابق پاکستان اکانومی واچ نے اپنی رپورٹ میں انکشاف کیا ہے کہ رمضان المبارک کے مقدس مہینے میں منافع خوروں نے لوٹ مچادی ہے اور منافع خورماہ رمضان میں عوام کو بری طرح لوٹ رہے ہیں اور اس کی بنیادی وجہ حکومت کی کمزوری اورلوگوں کے

مسائل سے لاتعلقی ہے۔اس سلسلے میں پاکستان اکانومی واچ کے صدر مرتضیٰ مغل نے بتایا کہ رمضان المبارک کے آنے کے بعد سے مختلف اشیا خاص طور پر پھلوں اورسبزیوں کی قیمتوں میں 80 فیصد سے 120فیصد تک اضافہ کر دیا گیا ہے۔انہوں نے بتایا کہ ایسا پہلی بار نہیں ہوا کہ کاروباری برادری عوام کا بری طرح استحصال کر رہی ہے بلکہ ہمیشہ سے ایسا ہوتا آیا ہے جبکہ افسوسناک طورپرحکومت عوام دوست کے بجائے منافغ خوردوست بنی ہوئی ہے۔