کراچی(این این آئی)فنکشنل لیگ کے سربراہ اورحروں کے روحانی پیشوا پیرپگارا سے مسلم لیگ ضیاء کے اعجازالحق اورملی مسلم لیگ کے قائد حافظ سعید نے ملاقات کی اورملکی سیاسی صورتحال پرتبادلہ خیال کیا۔ اس موقع پرمسلم لیگ فنکشنل سندھ کے صدراوروفاقی وزیرپیرصدرالدین شاہ راشدی بھی موجود تھے ۔ ملاقات میں آئندہ عام انتخابات اورسندھ کی سیاسی صف بندی کے علاوہ
ممکنہ سیاسی اتحاد پربھی تبادلہ خیال کیا گیا ۔ ملاقات میں اس بات پراتفا ق کیا گیا آئندہ عام انتخابات میں ہم خیال سیاسی پارٹیوں کوایک دوسرے کا مقابلہ کرنے کی بجائے وسیع ترملکی مفاد میں سیٹ ایڈجسٹمنٹ کے ذریعہ انتخابی معرکے میں اترنا چاہیئے ۔ ملاقات میں سیاسی رابطے جاری رکھنے اورسندھ کی سطح پرسیٹ ایڈجسٹمنٹ پربھی اتفاق کیا گیا۔
