اسلام آباد (نیوزڈیسک)بین الاقوامی منشیات اسمگلر ابراہیم ککواوردیگرقیدیوں کو پاکستان لانے کے سکینڈل میں ایف آئی اے نے تھائی لینڈ میں پاکستانی سفارتخانے کے اعلی افسروں کوگرفتارکرنے کافیصلہ کر لیا ہے۔نجی ٹی وی کے مطابق تھائی لینڈ میں پاکستانی سفارتخانے کے ڈپٹی ہیڈ آف مشن ،قونصلر اور اسسٹنٹ دوبار طلبی کے باوجود شامل تفتیش ہونے سے انکاری ہیں، ایف آئی اے نے سفارتخانے کے افسروں عطاءالمومن،امجد امین اور اشرف بھٹی کو پچیس اپریل کو طلب کیا تھا ذرائع کے مطابق سفارتخانے کے اعلی افسروں کی گرفتاری کے لئے ایف آئی اے کی ٹیم تھائی لینڈ جائےگی۔