پشاور(مانیٹرنگ ڈیسک) اڑتالیس گھنٹے کے اندر اندر پشاور سے یہ چیزیں ختم ہوجانی چاہئیں، چیف جسٹس ثاقب نثار نے ایسا حکم جاری کردیا کہ پشاور کے شہریوں کے دِل ہی جیت لئے، چیف جسٹس آف پاکستان جسٹس ثاقب نثار نے پشاور میں قائم غیر ضروری چیک پوسٹیں 48گھنٹے ختم کرنے کا حکم دے دیا۔تفصیلات کے مطابق سپریم کورٹ پشاور رجسٹری میں راستوں
کی بندش اور غیر ضروری چیک پوسٹوں سے متعلق دائر درخواست کی سماعت کے دوران چیف جسٹس نے حکم دیا کہ لوگوں کے راستے کیوں بند کیے ہیں، 48 گھنٹوں میں راستے کھولیں، جو دیواریں بنی ہیں وہ گرائیں، غیر ضروری چیک پوسٹیں ہٹائیں، صرف چند چیک پوسٹیں ہونی چاہیے، جہاں ضرورت ہے وہاں ناکے رکھیں اور مجھے وہ جگہ بتائیں۔
