لاہور (آئی این پی) وفاقی وزیر اطلاعات مریم اورنگزیب نے کہا ہے کہ احسن اقبال نے ہمیشہ عوامی ترقی اور خوشحالی کی بات کی‘ حملے کی تحقیقات کے لئے جے آئی ٹی کا اجلاس ہوچکا ہے ایسے واقعات روکنے کے لئے اصولوں کا تعین کرنا ہوگا‘ ٹی وی چینلز اور پیمرا ضابطہ اخلاق پر عمل کریں۔ بدھ کو مریم اورنگزیب نے سروسز ہسپتال میں احسن اقبال کی عیادت کے بعد میڈیا سے گفتگو کرتے ہوئے
انہوں نے کہا کہ احسن اقبال نے ہمیشہ عوامی ترقی اور خوشحالی کی بات کی۔ دعا ہے احسن اقبال جلد صحت یاب ہوں ایسے واقعات روکنے کے لئے اصولوں کا تعین کرنا ہوگا اصولوں کا تعین ہمیں پارلیمنٹ میں مل کر کرنا چاہئے کن باتوں پر سیاست نہ ہو اس کا تعین کرنا ہوگا۔ پارلیمنٹ کے اندر ان امور پر بات ہونی چاہئے پاکستان میں امن کے لئے سب کو کردار ادا کرنا ہوگا۔ دعا ہے پاکستان کا ہر شہری حفظ و امان میں رہے۔ احسن اقبال پر حملے کی تحقیقات کے لئے جے آئی ٹی کا اجلاس ہوچکا انسانی زندگی سے کھیلنے والوں کے خلاف سب کو متحد ہونا ہوگا۔ ٹی وی چینلز اور پیمرا ضابطہ اخلاق پر عمل کریں۔
