اسلام آباد(مانیٹرنگ ڈیسک،این این آئی)قائد پاکستان مسلم لیگ (ن) محمد نواز شریف نے وزیر داخلہ احسن اقبال کی سروسز ہسپتال میں عیادت کی۔اس موقع پر نواز شریف نے احسن اقبال کی جلد صحت یابی کیلئے دعا کی ۔دریں اثناء قائد پاکستان مسلم لیگ( ن) محمد نواز شریف نے
تحریک پاکستان کے کارکن بزرگ مسلم لیگی رہنما سابق وفاقی وزیر احمد سعید کرمانی کی عیادت بھی کی۔ احمد سعید کرمانی طویل عرصہ سے علیل اور سروسزہسپتال میں داخل ہیں۔ نواز شریف نے انکی جلد صحت یابی کیلئے دعا کی۔ واضح رہے احمد سعید کرمانی سینیٹر آصف کرمانی کے والدہیں۔
