لاہور(سی پی پی، آن لائن ) وفاقی وزیر داخلہ احسن اقبال کو جسم پر تین زخم آئے، دو زخم احسن اقبال کے بازو اور ایک زخم کولہے سے اوپر پیلوک بون کے پاس آیا۔ نجی ٹی وی کے مطابق وزیر داخلہ کی میڈیکو لیگل رپورٹ کے مطابق احسن اقبال کے بازو میں داخل ہوتے ہوئے گولی نے اعشایہ پانچ سے اعشاریہ آٹھ سینٹی میٹر تک زخم کیا، گولی لگنے سے دائیں بازو کی ہڈی ٹوٹی، احسن اقبال کو جسم پر تین زخم آئے۔ میڈی کو لیگل رپورٹ میں بتایا گیا ہے
کہ گولی احسن اقبال کے بازو سے نکل کر کولہے سے اوپر کے حصے پیلوس میں پیوست ہوئی، دو زخم وزیر داخلہ کے بازو اور ایک زخم کولہے سے اوپر پیلوک بون کے پاس آیاد۔دریں اثنا لاہور کے سروسز اسپتال میں زیر علاج وزیر داخلہ احسن اقبال کو آئی سی یو سے پرائیویٹ کمرے میں منتقل کر دیا گیا ۔ڈاکٹروں کا کہنا ہے کہ کمرے کو ہی آئی سی یو قرار دے دیا گیا ہے جبکہ کمرے میں منتقل کرنے کا مقصد احسن اقبال کو انفیکشن سے بچانا ہے۔علاوہ ازیں وفاقی وزیر داخلہ احسن قبال پر قاتلانہ حملے کی تحقیقات کیلئے قائم جے آئی ٹی نے کام کا آغاز کرتے ہی عینی شاہدین کے بیانات قلمبند کرلئے ہیں اور ملزم عابد حسین سے از سر نو تفتیش کا فیصلہ کیا گیا ہے جے آئی ٹی ملزم کے مذہبی رجحان سمیت حملے کے محرکات اور پس پردہ حقائق کو سامنے لانے کے لئے مختلف پہلوؤں سے تفتیش کرکے جلد اپنی رپورٹ آئی جی اور وزیر اعلیٰ پنجاب کو پیش کرے گی جبکہ وزیر داخلہ احسن اقبال کا بیان بھی قلمبند کیا جائے گا تفصیلات کے مطابق وفاقی وزیر داخلہ احسن اقبال پر قاتلانہ حملے کے لئے بنائی گئی جے اائی ٹی نے کام شروع کردیا ہے سی ٹی ڈی پنجاب کے سربراہی راجہ طاہر کی زیر قیادت بننے والی جے آئی ٹی نے اپنے کام کا باقاعدہ آغاز کردیا ہے اور واقعہ کے وقت موقع پر موجود عینی شاہدین کے بیانات قلمبند کرتے ہوئے مرکزی ملزم عابد حسین سے ازسرنو تفتیش کا فیصلہ کیا ہے ملزم عابد حسین کو پیر کے روز انسدادہشت گردی عدالت میں جسمانی ریمانڈ حاصل کرنے کے بعد منگل کے روز جب جے آئی ٹی کے سامنے پیش کیا گیا تو جے آئی ٹی نے ملزم کے مذہبی رجحان اور حملے کے محرکات و پش پردہ حقائق جاننے کیلئے ملزم عابد حسین سے دوبارہ تفتیش کا فیصلہ کیا ہے جبکہ تفتیش مکمل کرنے کے بعد ڈاکٹروں کی اجازت سے وفاقی وزیر داخلہ احسن اقبال کا بیان بھی قلمبند کیا جائے گا اور جے آئی ٹی اپنی مکمل رپورٹ جلد شہباز شریف کو پیش کرے گی۔
