جیکب آباد(مانیٹرنگ ڈیسک) ن لیگ کے دو اہم رہنما اسلام آباد پہنچ گئے، منگل کو پاکستان تحریک انصاف میں شمولیت کا اعلان کریں گے، نام سامنے آگئے،تفصیلات کے مطابق نوازلیگ کے صوبائی رہنما بنی گالہ میں(آج)منگل کو پاکستان تحریک انصاف میں شمولیت کا اعلان کریں گے ، معلوم ہوا ہے کہ مسلم لیگ نواز سندھ کے صوبائی نائب صدر اسلم ابڑو،سردار سجاد بلیدی اور فنکشنل لیگ کے میر اصغر خان پہنور اسلام آباد پہنچ گئے ہیں جو آج بروز منگل بنی گالہ میں عمران خان سے ملاقات کرکے پی ٹی آئی میں شمولیت
کا اعلان کریں گے اس کی تصدیق پی ٹی آئی کے سابق ڈویژنل صدر میر راجہ خان جکھرانی نے کی ہے واضح رہے کہ اسلم ابڑو نے 2013کے عام انتخابات مسلم لیگ ن کی ٹکٹ سے لڑے تھے اس سے قبلاسلم ابڑو پیپلز پارٹی کے ضلعی صدر بھی رہ چکے ہیں اور اب پی ٹی آئی میں شمولیت کریں گے انکے بھائی اکرم ابڑو نوازلیگ جیکب آباد کے ضلعی صدر ہیں بتایا جا تا ہے کہ 2018کے انتخابات میں جیکب آباد کے صوبائی حلقے سے اسلم ابڑو نے پی ٹی آئی کی ٹکٹ کے حصول کے لئے شملویت اختیار کی ہے۔
