اسلام آباد(آن لائن)جسٹس اعجاز افضل خان آج7مئی کو بطور جج سپریم کورٹ اپنے عہدے سے ریٹائرہوجائیں گے۔سپریم کورٹ کی طرف سے جسٹس اعجاز افضل خان کے اعزاز میں فل کورٹ ریفرنس آج منعقد ہوگا،جس سے چیف جسٹس،اٹارنی جنرل،وائس چیئرمین پاکستان بار کونسل اور صدر سپریم کورٹ بار ایسوسی ایشن خطاب کریں گے۔جسٹس اعجاز افضل خان 8مئی1953ء کو مانسہرہ میں پیدا ہوئے اور ستمبر2000ء کو پشاور ہائی کورٹ کے

ایڈیشنل جج مقرر ہوئے۔نو سال بطور جج خدمات سرانجام دینے کے بعد 20اکتوبر2009ء کو پشاور ہائی کورٹ کے چیف جسٹس مقرر ہوئے اور17نومبر2011ء کو سپریم کورٹ لائے گئے۔جسٹس اعجاز افضل خان نے پانامہ لیکس سے متعلق 20اپریل کے فیصلے میں اکثریتی رائے دی جس کے تحت معاملے کی تفتیش کیلئے جے آئی ٹی مقرر ہوئی جبکہ فاضل جج نے پانامہ لیکس کیس کے فیصلے پر عملدرآمد بنچ کی سربراہی کی۔