اسلام آباد(مانیٹرنگ ڈیسک) گرمی کے ستائے عوام کیلئے زبردست خوشخبری،ایک دو دن نہیں بلکہ اب کتنے دن تک بارشیں ہوں گی؟ محکمہ موسمیات نے بڑی خبر سنادی،تفصیلات کے مطابق بارش برسانے والا نیا سلسلہ ملک میں داخل ہونے سے پنجاب میں کہیں کہیں بارش اور کہیں ژالہ باری کا امکان ہے۔محکمہ موسمیات کے مطابق مرطوب ہواؤں کا سلسلہ ہفتہ کو بھی جاری رہا جس نے پنجاب کے بیشتر حصوں کو اپنی لپیٹ میں لے لیا

اور 9 مئی تک جاری رہے گاجس کے باعث اتوار اور پیر کو بیشتر بالائی علاقوں مری، اسلام آباد، راولپنڈی، گوجرانوالہ، سرگودھا، لاہور ڈویژن میں بارش متوقع ہے۔پنجاب کے وسطی علاقوں فیصل آباد، ساہیوال، اوکاڑہ، بھکر میں بھی کہیں کہیں اور جنوبی پنجاب میں چند مقامات پر بارش کا امکان ہے۔ محکمہ موسمیات کا کہنا ہے کہ پنجاب کے علاوہ خیبر پختونخواہ کے بالائی اور وسطی علاقوں میں کہیں کہیں اور جنوبی علاقوں میں چند مقامات پر اور کشمیر گلگت بلتستان کے بیشتر علاقوں میں بارش کا امکان ہے تاہم بلوچستان میں موسم خشک رہنے کی توقع ہے۔دوسری جانب سندھ کے بیشتر علاقوں میں مرطوب اور تیز ہوائیں چلنے کا امکان ہے تاہم بارش کا کوئی امکان نہیں۔ علاوہ ازیں شہر قائد میں دو دن کی شدید گرمی کے بعد سمندری ہوائیں چلنے کے ساتھ ہی درجہ حرارت میں کمی آگئی ہے ہفتہ کو زیادہ سے زیادہ درجہ حرارت 38ڈگری سینٹی گریڈ اورہوا میں نمی کا تناسب 51فیصدریکارڈ کیاگیا۔محکمہ موسمیات کے مطابق آئندہ 24گھنٹے سمندری ہوائیں چلتی رہیں گی، اتوارکوکراچی میں کم سے کم درجہ حرارت 27 اور زیادہ سے زیادہ38 ڈگری سینٹی گریڈ رہنے کا امکان ہے۔  بارش برسانے والا نیا سلسلہ ملک میں داخل ہونے سے پنجاب میں کہیں کہیں بارش اور کہیں ژالہ باری کا امکان ہے۔محکمہ موسمیات کے مطابق مرطوب ہواؤں کا سلسلہ ہفتہ کو بھی جاری رہا جس نے پنجاب کے بیشتر حصوں کو اپنی لپیٹ میں لے لیا اور 9 مئی تک جاری رہے گا