نئی دہلی (آن لائن)بھارت کی مغربی ریاست راجستھان میں موسم کی خرابی ریت کا خطرناک طوفان اْمڈ آیا،جو متعدد لوگوں کی زندگیاں نگل گیا،اس خطرناک طوفان میں 90افراد ہلاک اور متعدد زخمی ہوئے۔بھارتی نشریاتی ادارے کے مطابق ریاست راجستھان کے مختلف شہروں میں موسم نے اچانک کروٹ بدلی اور تیز ہواؤں کیساتھ اڑتی ریت،دھول مٹی سے نظام زندگی درہم برہم ہوگیا اور ٹریفک کی روانی بری طرح متاثر ہوئی،
جس کے نتیجے میں 90افراد جان کی بازی ہار گئے اور متعدد زخمی بھی ہوئے،موسم کی خراب صورتحال کے باعث انتظامیہ کی جانب سے متعدد ہائی وے ٹریفک کیلئے بند کردی گئیں ہیں جبکہ لوگوں کو گھر سے باہر نکلتے ہوئے احتیاط کی تاکید کر دی گئی ہے۔بھارتی محکمہ موسمیات کی جانب سے جاری کردہ بیان میں کہا گیا کہ شہری غیر ضروری سفرکرنے سے گریز کریں،طوفان آئندہ کئی روز تک جاری رہ سکتا ہے۔
