اسلام آباد(نیوز ڈیسک) پاکستان تحریک انصاف کے وائس چیئرمین اور قومی اسمبلی میں پارلیمانی لیڈر شاہ محمود قریشی نے کہا کہ نوازرداری اختلافات سیاسی شعبدے بازی ہے،نواز شریف کا نادیدہ قوتوں والا بیان مجھے کیوں نکالا کی اگلی قسط ہے،نیا بجٹ مہنگائی کا بم بن کر عوام پر گرے گا، حکومت موجودہ ٹیکسز پر نظر ثانی کرے۔بدھ کو پارلیمنٹ ہاؤس کے باہر

میڈیا سے گفتگو کرتے ہوئےشاہ محمود قریشینے کہا کہ نواز شریف اور آصف زرداری کے درمیان اختلاف کا آئندہ الیکشن پر فرق پڑے گا۔ یہ سال الیکشن کا سال ہے اس لیے ان کی لڑائی کوئی تعجب کی بات نہیں ہے، یہ ا ن کا سیاسی فارمولہ ہے۔ رانا ثنا کے بیان نے ساری قوم کے جذبات مجروح کیے ہیں، شہبار شریف کی معذرت کافی نہیں ہے۔نواز شریف کا نادیدہ قوتوں والا بیان مجھے کیوں نکالا کی اگلی قسط ہے۔ مسلم لیگ(ن) سیاسی بچاؤ کیلئے نادیدہ قوتوں کا نام لے رہی ہے۔ ان کی اپنی حکومت ہے، اگر کوئی نادیدہ قوت ہے تو ان کی حکومت کو اس کے خلاف ایکشن لینا چاہیے۔نیا بجٹ مہنگائی کا بم بن کر عوام پر گرے گا۔ مہمان حکومت کا بجٹ ایک سیاسی شعبدہ بازی ہے جس کی مذمت کرتے ہیں۔ ملک بھر میں کارخانے بند ہو رہے ہیں اور تاجر پریشان ہے۔ حکومت موجودہ ٹیکسز پر نظر ثانی کرے۔ حکومت سے ٹیکس میں اضافہ نہیں ہو رہا اور ایف بی آر ناکام ہو چکا ہے، اس لیے حکومت ٹیکس خسارہ پورا کرنے کیلئے ہر مہینے عوام پر پیٹرول بم گرا دیتی ہے۔ حکومت دعوؤں کے باوجود 5سال میں لودشیڈنگ ختم نہیں کر سکی۔