اسلام آباد(مانیٹرنگ ڈیسک)اپنی دو حقیقی بیٹیوں سے شیطانی کھیل کے مرتکب شخص کو سزائے موت کا حکم، جہانیاں کی سیشن کورٹ نے تاریخی فیصلہ سنا دیا۔ تفصیلات کے مطابق جہاں کی سیشن کورٹ نے اپنی ہی دو حقیقی بیٹیوں سے شیطانی کھیل کے مرتکب شخص کو سزائے موت دینے کا حکم سناتے ہوئے نئی تاریخ رقم کر دی ہے۔ عدالت نے ڈی،این،اے رپورٹ اوردیگر ثبوت کی بنا ملزم عبیداللہ کو دو مرتبہ سزائے موت اور دو لاکھ روپے
جرمانے کا حکم سنا یا۔ ایڈیشنل سیشن جج جہانیاں جلیل احمدکی عدالت میں پیش ہونے والے مقدمہ نمبر18/41جو کہ مسماۃ (ح)کی مدعیت میں درج کیا گیا تھا میں خاتون نے موقف اختیار کیا تھا کہ ملزم عبیداللہ اپنی دو بیٹیوں سے شیطانی کھیل عرصہ سے کھیلتا رہا ہے ، عدالت ملزم کو قانون کے مطابق سزا دے۔ عدالت نے تمام ثبوتوں کو مدنظر رکھتے ہوئے جرم ثابت ہونے پر ملزم عبیداللہ کو سزائے موت اور جرمانے کی سزا سنائی ہے۔
