اسلام آباد(مانیٹرنگ ڈیسک)نوازشریف اس وقت اپنی اہلیہ کلثوم نواز کی عیادت کیلئے لندن میں ہیں جبکہ گزشتہ روز احتساب عدالت میں پیشی سے استثنیٰ کی ان کی درخواست کو بھی مستردکر دیا گیاہے تاہم دوسری جانب سینئر صحافی و تجزیہ کار محمد مالک نے انتہائی خوفناک دعویٰ کر دیا۔نجی ٹی وی پروگرام میں گفتگو کرتے ہوئے انہوں نے دعویٰ کیا کہ جاتی امراءمیں ایک اجلاس ہوا ہے جہاں بڑے بڑے نام موجود تھے اس دورا ن وہاں گفتگو ہوئی کہ اگر نوازشریف جیل جاتے

ہیں تو پھر کیا ہو گا ، گفتگو ایسے ہی ہور ہی تھی جیسے کہ طے ہو گیاہے کہ نوازشریف کو سزا ہو گی ،اس اجلاس میں شیخو پورہ سے تعلق رکھنے والے ایک رکن اسمبلی بھی موجود تھے جنہوں نے کہا کہ یہ کوئی مسئلہ نہیں ہے جب نوازشریف جیل جائیں گے تو ہم اڈیالہ جیل کے آس پاس لاکھ یا ڈیڑھ لاکھ بندہ اکٹھا کر لیں گے اور جیل کو توڑ دیں گے ،محمد مالک کے مطابق  اس وقت جاتی امراءمیں موجود کسی بھی شخص کی جانب سے اس کی مخالفت سامنے نہیں آئی ۔