اسلام آباد(مانیٹرنگ ڈیسک)دربار حضرت موسیٰ پاک شہید کے سجادہ نشین اور سابق وزیراعظم سید یوسف رضا گیلانی کے بہنوئی مخدوم سید وجاہت حسین گیلانی طویل علالت کے بعد انتقال کر گئے ہیں۔ مخدوم سید وجاہت حسین گیلانی دو روز سے قومہ میں تھے۔مخدوم وجاہت حسین گیلانی کی نمازجنازہ آج بدھ صبح 10بجے نشترگرائونڈمیں اداکی جائے گی ۔ان کے پسماندگان میں ان کے بھائی سابق وفاقی وزیرتنویرالحسن گیلانی ،مخدوم تجمل گیلانی ،نورانی گیلانی ،

طفیل گیلانی اوربیٹے ابوالحسن گیلانی ،غلام مصطفی گیلانی ،میراں محی الدین گیلانی اوردوبیٹیاں شامل ہیں ۔مخدوم سید وجاہت حسین گیلانی کے صاحبزادے سید اسد مرتضیٰ گیلانی مشرف دورمیں اس وقت رکن قومی اسمبلی منتخب ہوئے۔جب یوسف رضاگیلانی جیل میں تھے ۔بعدازاں اسدمرتضیٰ مرتضی گیلانی پاکستان پیپلزپارٹی پیٹریاٹ گروپ میں شامل ہوئے اورمشرف کابینہ میں بھی شامل رہے ۔اسدمرتضیٰ گیلانی دوسال قبل منیٰ میں بھگدڑکے دوران شہیدہوگئے تھے ۔