اسلام آباد (مانیٹرنگ ڈیسک)پاکستان تحریک انصاف کے چیئرمین عمران خان بلاشبہ ایک کرشماتی شخصیت کے مالک ہیں اور کوئی بھی شخص ان سے بات کر کے ان سے متاثر ہوئے بغیر نہیں رہ سکتا اور یہی حال رشین خاتون صحافی کا ہوا ہے ۔ گزشتہ روز عمران خان کا انٹرویو کرنے والی روسی خاتون صحافی عمران خان پر مرمٹی ہے اور انٹرویو شروع ہونے سے چند سیکنڈ قبل کی
ایک ویڈیو شیئر کر دی ہے جس نے سوشل میڈیا پر دھوم مچا دی ہے۔ صوفی کے ٹوئٹر اکاؤنٹ پر جاری ہونے والی اس ویڈیو میں دیکھا جا سکتا ہے کہ انٹرویو شروع ہونے سے چند سکینڈ پہلے دونوں ایک ہی وقت میں اپنے بالوں پر ہاتھ پھیر کر انہیں ٹھیک کرنے کی کوشش کرتے ہیں اور عمران خان کی اسی ادا پر ’صوفی‘ مر مٹی جس نے ویڈیو شیئر کرتے ہوئے لکھا ”بہت خوب، میرے اور عمران خان میں کم از کم بالوں میں معاملے میں ہم آہنگی ہے.لیکن سچ تو یہ ہے کہ اس دلنشین اور کرشماتی آدمی کا انٹرویو کر کے بہت مزہ آیا.“ صوفی کی ٹویٹ منظر عام پر آنے کے کچھ ہی دیر بعد پاکستانی بھی میدان میں آگئے اور ایسے ٹویٹس کئے کہ ہنسی کا سیلاب آگیا ہے۔ ارمان نامی ایک ٹویٹر صارف نے اپنے ٹویٹ میں لکھا ہے کہ ’’گئی ایک اور گوری کام سے‘‘ارمان اپنے ایک اور ٹویٹ میں لکھتا ہے کہ”واحد پاکستانی لیڈر ہے جس کو بیرونی دنیا میں کرپشن یا سوئس بینک اکاؤنٹس یا بھتہ خوری اور ٹارگٹ کلنگ کی وجہ سے نہیں جانا جاتا بلکہ اس کا نام اچھے لفظوں میں لیا جاتا ہے. اب ایسے بندے پر بھلا کوئی فدا نہ ہو جائے یہ تو ہو ہی نہیں سکتا“ سلیم جرولہ نے لکھا ”بی بی پاکستان کے حال پر رحم کھاؤ اور نیا پاکستان بننے دو… اب کی بار رشین سلاد“ راجا نے لکھا ”پاکستانی لڑکیاں یہ کرنے پر تم سے نفرت کر رہی ہیں، لیکن ہم لڑکوں کو یہ بہت اچھا لگ رہا ہے“ ۔
