راولپنڈی (آئی این پی) عوامی مسلم لیگ کے سربراہ شیخ رشیداحمد نے کہا ہے کہ جسٹس اعجاز الاحسن کے گھر پر حملہ سازشوں کی ایک کڑی ہے، آج قوم نقاب پوش لٹیریوں کے بارے میں جان گئی ہے، پوری قوم عدلیہ کے ساتھ کھڑی ہے۔اتوار کو نجی ٹی وی کے مطابق شیخ رشید نے کہا کہ شریف خاندان کیلئے انصاف
کا مقابلہ کرنا مشکل ہے۔ انہوں نے انصاف کا مقابلہ گوسیوں سے کرنا شروع کردیا ہے۔ الیکشن کے عمل کو ڈی ریل کرنے کی سازش کی جارہی ہے۔ شیخ رشید نے کہا کہ یہ سازش کی جارہی ہے کہ لوٹی ہوئی دولت واپس نہ لائی جاسکے۔ ان کا کہنا تھا کہ جسٹس اعجاز الاحسن نیک آدمی ہیں انہوں نے انصاف کا علم بلند کیا۔
