کوئٹہ (این این آئی) وفاقی وزیر شپینگ اینڈ کارپوریشن اور نیشنل پارٹی کے مرکزی صدر میرحاصل بزنجونے کہاہے کہ بلوچستان سمیت پورے پاکستان میں پانی کا جو بحران آنیوالا ہے ،20سال کے بعد بلوچستان میں 5سو کلومیٹر کے فاصلے پر لورالائی ،خضدار اور آواران میں پانی خشک ہوجائے گا اور ایک المیہ ہوگا کہ لوگ پانی نہ ہونے کی وجہ سے نکل مکانی کرنے پر مجبور ہوجائیں گے ۔ہفتے کونجی ٹی وی سے گفتگو کرتے ہوئے انہوں نے کہاکہ آئندہ لڑائی پانی پر ہوگی ،

پانی کا جو ہم ضیاع کررہے ہیںا س سے بحران پید ہوگا ابھی بھی وقت ہے کہ ہم پانی کا استعمال صحیح کریں اور جس سے پاکستان میں اور بلوچستان میں پانی کا ایک بحران پیدا ہوگا لوگوں کو پانی کی اہمیت کا اندازہ نہیں جب پانی نہیں ہوگا تو پھر لوگ یقیناًنقل مکانی پر مجبور ہوجائیں گے اور لوگوں کیلئے زندہ رہنا بہت مشکل ہوجائے گا ،بلوچستان میں روز بروز پانی کی سطح نیچے جارہی ہیں اور کئی غیر قانونی ٹیوب ویل مختلف اضلاع میں ہے جس پر توجہ کی ضرورت ہے ۔