راولپنڈی (مانیٹرنگ ڈیسک) چیف آف آرمی سٹاف جنرل قمر جاوید باجوہ نے کہا ہے کہ امن کے ثمرات فاٹا کو عوامی امنگوں کے مطابق قومی دھارے میں شامل کرنے سے جڑے ہیں،دہشت گردوں سے پاک علاقے سول انتظامیہ کے حوالے کئے جارہے ہیں،پاک فوج ملکی امن وخوشحالی کیلئے قومی اداروں کا بھرپور ساتھ دیتی رہے گی۔
آئی ایس پی آر کے مطابق 210 ویں کور کمانڈرز کانفرنس چیف آف آرمی سٹاف جنرل قمر جاوید باجوہ کی زیر صدارت جنرل ہیڈ کوارٹرز (جی ایچ کیو) راولپنڈی میں ہوئی۔کانفرنس میں ملک کی جغرافیائی و تذویراتی اور سیکیورٹی صورتحال کا جائزہ لیا گیا جبکہ آپریشن ردالفساد پر پیش رفت اور خوشحال بلوچستان پروگرام پر بھی تبادلہ خیال کیا گیا۔اجلاس میں ملک میں سیکیورٹی استحکام لانے میں تمام قومی اسٹیک ہولڈرز کے کردار اور دہشت گردی مسترد کرنے میں بالخصوص پرعزم پاکستانیوں کی قربانیوں کا اعتراف کیا گیا۔اجلاس میں دیر پا امن کیلئے ریاستی اداروں سے تعاون جاری رکھنے کے عزم کا بھی اظہار کیا گیا ۔اس موقع پر چیف آف آرمی سٹاف جنر ل قمر جاوید باجوہ نے کہا کہ امن و خوشحالی کے ثمرات عام آدمی تک پہنچنے چاہئیں، دہشت گردوں سے پاک علاقے سول انتظامیہ کے حوالے کئے جارہے ہیں۔انہوں نے کہا کہ امن کے ثمرات فاٹا کو عوامی امنگوں کے مطابق قومی دھارے میں شامل کرنے سے جڑے ہیں جبکہ پاک فوج ملکی امن وخوشحالی کیلئے قومی اداروں کا بھرپور ساتھ دیتی رہے گی۔ چیف آف آرمی سٹاف جنرل قمر جاوید باجوہ نے کہا ہے کہ امن کے ثمرات فاٹا کو عوامی امنگوں کے مطابق قومی دھارے میں شامل کرنے سے جڑے ہیں،دہشت گردوں سے پاک علاقے سول انتظامیہ کے حوالے کئے جارہے ہیں،پاک فوج ملکی امن وخوشحالی کیلئے قومی اداروں کا بھرپور ساتھ دیتی رہے گی۔آئی ایس پی آر کے مطابق 210 ویں کور کمانڈرز کانفرنس چیف آف آرمی سٹاف جنرل قمر جاوید باجوہ کی زیر صدارت جنرل ہیڈ کوارٹرز (جی ایچ کیو) راولپنڈی میں ہوئی۔
