لاہور ( این این آئی) وفاقی وزیر ریلوے خواجہ سعد رفیق نے کہا ہے کہ آئین و قانون سے تجاوز کر کے منتخب حکومتوں کو مفلوج کرنا نہایت خطرناک کھیل ہے ،قومی مفاد کے نام پر قومی سلامتی کو نقصان پہنچایا جا رہا ہے ،اللہ کریم پاکستان کی حفاظت فرمائیں ،آمین۔ انہوں نے سماجی رابطے کی ویب سائٹ ٹوئٹر پر جاری اپنے بیان میں کہا کہ ہمیں روکنے کے لئے اعلیٰ مناسب کا وقار دا ئو پر لگا دیا گیا ہے ۔
ناانصافی کا آسیب جمہوریت اور قومی استحکام کو نِگل رہا ہے ، ساری کاروائیاں مسلم لیگ (ن) کو آمدہ انتخابات میں کامیابی سے روکنے کیلئے کی جا رہی ہیں ،حکومت کے ہر اچھے کام میں کیڑے نکالے جاتے ہیں۔انہوں نے کہا کہ نفرت کے سوداگروں نے ملک ٹوٹنے سے بھی سبق نہیں سیِکھا ،عام انتخابات سے پیشتر زہر آلود کاروائیاں ملکی سالمیت کے لئے خطرناک ہیں ، قوم کے دانش مند افراد اس صورتحال کو سانحہ بننے سے روکیں۔ انہوں نے کہا کہ آئین و قانون سے تجاوز کر کے منتخب حکومتوں کو مفلوج کرنا نہایت خطرناک کھیل ہے ، قومی مفاد کے نام پر قومی سلامتی کو نقصان پہنچایا جا رہا ہے ،اللہ کریم ہمارے دلوں کو بغض وعناد سے پاک فرمائیں ،اللہ کریم پاکستان کی حفاظت فرمائیں آمین۔
