نواب شاہ (مانیٹرنگ ڈیسک) جوں جوں انتخابات نزدیک آتے جا رہے ہیں سیاسی پرندے اپنے گھونسلے بدلتے جا رہے ہیں، اسی طرح مسلم لیگ (ن) کے ایم این اے بھاون داس نے ن لیگ کو خیر باد کہتے ہوئے پیپلزپارٹی میں شمولیت کا اعلان کر دیا ہے، پیپلز پارٹی کے شریک چیئرمین آصف علی زرداری نے ان کی پیپلز پارٹی میں شمولیت کا خیرمقدم کیا، واضح رہے کہ ن لیگ کے رکن قومی اسمبلی بھاون داس نے پیپلز پارٹی
کی قیادت سے ملاقات کی جس میں آئندہ انتخابات کے حوالے سے بات چیت کی گئی، اس ملاقات میں بھاون داس نے پیپلزپارٹی کی قیادت پر اعتماد کا اظہار کرتے ہوئے پارٹی میں شمولیت کا اعلان کردیا۔ اس ملاقات کے بعد بھاون داس نے پیپلز پارٹی کے شریک چیئرمین آصف علی زرداری کے ہمراہ میڈیا کے سامنے باضابطہ شمولیت کا اعلان کیا، آصف علی زرداری نے ان کو پیپلز پارٹی میں شمولیت اختیار کرنے پر خوش آمدید کہا۔
