اسلام آباد (مانیٹرنگ ڈیسک) انتخابات سے قبل ن لیگ کے رہنماء تحریک انصاف میں شمولیت اختیار کرنے لگے، ایک نجی ٹی وی چینل کی رپورٹ کے مطابق ایم این اے رمیش کمار اور بلال ورک نے تحریکِ انصاف میں شمولیت کا فیصلہ کر لیا ہے، دونوں رہنما کل تحریک انصاف کے چیئرمین عمران خان سے ملاقات کریں گے، اس طرح ن لیگ کے رہنماؤں کی انتخابات سے قبل تحریک انصاف میں شمولیت کا سلسلہ جاری ہے۔ مسلم لیگ (ن) کے ایم این اے بلال ورک جو کہ این اے 136 ننکانہ صاحب سے ن لیگ کے ٹکٹ پر

رکن اسمبلی بنے تھے، ہفتہ کے روز تحریک انصاف کے چیئرمین عمران خان سے ملاقات میں تحریک انصاف میں اپنی شمولیت کا اعلان کریں گے، دوسری طرف ن لیگ کے رہنما اور ایم این اے رمیش کمار نے بھی پاکستان تحریک انصاف میں شمولیت کا اعلان کر دیا ہے۔واضح رہے کہ 2013ء میں ن لیگ کے ٹکٹ پر رمیش کمار ایم این اے منتخب ہوئے تھے۔کل رمیش کمار کی رہائش گاہ پر جا کر عمران خان ان سے ملاقات کریں گے اور اس کے بعدایک پریس کانفرنس میں رمیش کمارتحریک انصاف میں شمولیت کااعلان کریں گے۔