اسلام آباد (مانیٹرنگ ڈیسک)عمران خان نے اپنے پالتو کتے کو گھر سے نکالنے کے حوالے سے میڈیا پر آنے والی خبروں کی تردید کر دی ہے۔ پالتو کتے شیرو کو گھر سے نکالنے کے حوالے سے میڈیا پر آنیوالی خبروں کے حوالے سے چیئرمین تحریک انصاف عمران خان نے وضاحت کرتے ہوئے کہا ہے کہ ’’میرا شیرو
تین سال پہلے مر چکا ہے، اب ایک موٹو اور دو ین کتے میرے پاس ہیں‘‘۔ واضح رہے کہ گزشتہ روز میڈیا اور سوشل میڈیا پر چیئرمین تحریک انصاف کے پالتو کتے شیرو کے حوالے سے خبر منظر عام پر آئی تھی کہ عمران خان نے اپنی اہلیہ بشریٰ پیرنی کے اعتراض کے بعد اپنے پالتو کتے شیرو کو بنی گالہ سے نکا ل دیا ہے۔
