اسلام آباد(مانیٹرنگ ڈیسک) گذشتہ دو ہفتوں سے نواز شریف اور مریم نواز نے فوج اور عدلیہ کے معاملے پر مکمل طور پر خاموشی اختیا ر کی ہوئی ہے، بیک ڈوراین آر او کیلئے کوششیں کی جارہی تھیں مگر دروازے ان کی طرف سے نہیں بلکہ فوج کی طرف سے بند کر دئیے گئے ،معروف صحافی محمد مالک نے نجی ٹی وی پروگرام میں انکشافات کر ڈالے۔ تفصیلات کے مطابق نجی ٹی وی پروگرام

میں گفتگو کرتے ہوئے معروف صحافی محمد مالک نے انکشاف کیا ہے کہ گزشتہ دو ہفتوں سے نواز شریف اور مریم نواز کی جانب سے فوج اور عدلیہ کے معاملے پر مکمل طور پر خاموشی اختیار کی گئی جبکہ بیک ڈور ان کی کوششیں جاری تھیں کہ کسی طرح این آر او ہو جائے مگر فوج کی طرف سے دروازے بند کر دئیے گئے ہیں۔ نواز شریف نے جلسوں میں عوام سے کہا کہ میں جہاں سے بھی حکم دوں گا تو کیا مانو گے؟نواز شریف کی اس بات کا مطلب ہے کہ ان کو اپنا جیل جانا نظر آرہا ہے۔ مریم نواز کی طرف سے احتساب عدالت کی کارروائی براہ راست نشر کرنے کے مطالبے پر محمد مالک کا کہنا تھا کہ جے آئی ٹی میں پیشی کے موقع پر ایک فوٹو گراف لیک ہو گئی جس پر قیامت برپا کر دی گئی تھی، محمد مالک کا اشارہ حسین نواز کی جے آئی ٹی پیشی کے موقع پر لیک ہونے والی فوٹو گراف کی جانب تھا۔ انہوں نے کہا کہ عدالتی کارروائی لائیو دکھانے کے حق میں ہوں تاہم میرا یہ مطالبہ بھی ہے کہ سپریم کورٹ کو چاہئے کہ وہ جے آئی  ٹی میں شریف خاندان کی پیشیوں اور بیانات کی ریکارڈنگز بھی منظر عام پر لائے جو یہ کہہ رہے کہ ان پر جے آئی ٹی میں ظلم ہوا تو اس کا بھی پتہ چل جائے گا۔ محمد مالک کا مزید کہنا تھا کہ عدالت نے قانون نقاط کو سامنے رکھتے ہوئے فیصلہ دینا ہے۔ یہ لوگ واجد ضیا کی بات کر رہے ہیں کہ وہ کچھ ثابت نہیں کر پا رہے تو

واجد ضیا نے کچھ ثابت نہیں کرنا جو ثابت کرنا ہے وہ شریف خاندان نے کرنا ہے، اس حوالے سے سیکشن 9اور 14کا حوالہ دیتے ہوئے محمد مالک کا کہنا تھا کہ سیکشن 9اور 14اس حوالے سے کلیئر ہیں کہ اگر آپ کسی جائیداد یا اثاثے کو اپنا قرار دیتے ہیں تو پھر آپ کو یہ ثابت کرنا ہو گا کہ یہ پیسہ حلال کی کمائی سے حاصل کیا گیا اگر آپ یہ نہیں کر سکتے تو یہی سمجھا جائے گا کہ یہ حرام کا پیسہ ہے۔

محمد مالک کا کہنا تھا کہ کسی نے کچھ ثابت نہیں کرنا جو ثابت کرنا ہے شریف خاندان نے خود ثابت کرنا ہے۔