اسلام آباد ،لندن (مانیٹرنگ ڈیسک،آئی این پی)نوازشریف کی اہلیہ بیگم کلثوم نواز جو اپنے علاج کی غرض سے لندن میں موجود ہیں۔  اپنی بیماری کے باعث کمزور ہو گئی ہیں۔میڈیا رپورٹس کے مطابق  ڈاکٹرز کا کہنا ہے کہ بیگم کلثوم نواز کی ریڈیو تھراپی ایک ماہ جاری رہے گی۔ جس کے بعد ان کی کمزوری اور کم ہوتے وزن کے ساتھ ساتھ ان کی صحت کا بھی جائزہ لیں گے۔یاد رہے کہ  پاکستان مسلم لیگ (ن) کے قائد سابق وزیراعظم نواز شریف کی اہلیہ

اور رکن قومی اسمبلی بیگم کلثوم نواز کو19 مارچ 2018 کو 10 گھنٹے زیرعلاج رہنے کے بعد ہارلے اسٹریٹ کلینک سے ڈسچارج کردیا گیا تھا۔ بیگم کلثوم نواز کو ان کے صاحبزادے حسن اور حسین نواز چیک اپ کے لیے ہسپتال  لائے تھے تاہم ڈاکٹرز نے انہیں داخل کرلیا تھا، جہاں وہ تقریبا 10 گھنٹے تک زیر علاج رہیں۔بیگم کلثوم نواز گلے کے کینسر میں مبتلا ہیں۔ جس کے علاج کے سلسلے میں وہ گزشتہ چند ماہ سے لندن میں موجود ہیں۔