سرگودھا(این این آئی)یونیورسٹی آف سرگودھا میں وزیراعلی لیب ٹاپ سکیم سے مریم نواز کولیب ٹاپ ملا۔ذرائع کے مطابق اس سلسلہ میں منعقدہ یونیورسٹی تقریب میں لیب ٹاپ حاصل کرنے والی طالبات میں ایک طالبہ مریم نواز کا نام بولا گیا تو پورے مجمع میں ہنسی کے ساتھ یہ الفاظ سنے گئے کے مریم نواز حمزہ شہباز سے لیپ ٹاپ لیں گی۔اس لمحہ نے تقریب کو نئی رونق بخش
دی اور ماحول کشت زعفران بن گیا۔دریں اثناء مسلم لیگ( ن) کے مرکزی راہنما حمزہ شہباز نے دورہ سرگودھا میں پیپلز پارٹی کے بانی سابق وزیراعظم ذوالفقارعلی بھٹو کی ملک کے لئے خدمات کو سراہتے ہوئے اپنے خطاب میں کہا کہ ذوالفقاربھٹونے ایٹم بم کی بنیادرکھی اور ہمیں یہ اعزاز حاصل ہوا کہ عوامی قائد میاں نوازشریف نے اس منصوبہ کو پایہ تکمیل تک پہنچایا۔
