حیدرآباد (این این آئی)پاکستان تحریک انصاف کے سینئر رہنما ڈاکٹر عارف علوی نے پاکستان مسلم لیگ نواز کے رہنما اور سابق وزیر داخلہ چودھری نثار کو پارٹی میں شمولیت کی دعوت دیدی۔حیدرآباد میں میڈیا سے گفتگو کرتے ہوئے عارف علوی نے کہا کہ میں چوہدری نثار کو پارٹی میں آنے کی دعوت دیتا ہوں۔ چوہدری نثار اچھے آدمی ہیں برے لوگوں میں پھنسے ہوئے ہیں۔ ن لیگ اس لیے
گھر کی لونڈی بنی ہے کیونکہ انہوں نے متنازع قانون بنائے۔انہوں نے کہا کہ ن لیگ اور پاکستان پیپلز پارٹی کو صحیح ڈر ہے کہ اگلی حکومت ان کی نہیں ہوگی۔ عارف علوی نے دعوی کیا کہ اگلی حکومت تحریک انصاف بنائیگی۔ ن لیگی رہنماؤں کی جانب سے عدلیہ مخالف بیانات سے متعلق سوال کے جواب میں پی ٹی آئی رہنما بتایا کہ اگر حکومت کچھ نہیں کرگی تو عدالتیں ہی کام کرینگی۔
