اسلام آباد(مانیٹرنگ ڈیسک)نواز شریف کے خلاف پورا مقدمہ ‘واٹس ایپ ‘ پر تیار ہوا جس کا کوئی بھی ‘ریکارڈ موجود نہیں،احتساب عدالت کی کاروائی براہ راست نشر کی جائے تاکہ قوم کو سچ کا پتہ چل سکے- مریم نواز نے نیب عدالت کی کارروائی براہ راست نشر کرنے کا مطالبہ کر دیا۔ تفصیلات کے مطابق سابق وزیراعظم نواز شریف کی صاحبزاد ی مریم نواز نے سماجی رابطوں کی
ویب سائٹ ٹویٹر پر اپنے پیغام میں نیب عدالت کی کارروائی براہ راست نشر کرنے کا مطالبہ کرتے ہوئے اپنے پیغام میں کہا ہے کہ احتساب عدالت میں میرے اور میرے والد نواز شریف کے خلاف کاروائی براہ راست نشر کی جائے تاکہ قوم کو سچ کا پتہ چل سکے-اپنے ایک اور پیغام میں مریم نواز کا کہنا تھا کہ نواز شریف کے خلاف پورا مقدمہ واٹس ایپ پر تیا ہوا جس کا کوئی ریکارڈ موجود نہیں۔ اپنے اس پیغام کے ساتھ انہوں نے ٹی وی پر احتساب عدالت میں واجد ضیا پر جرح کے حوالے سے چند ٹی وی ٹکر بھی شیئر کئے ہیںجو نواز شریف کے وکیل خواجہ حارث اور واجد ضیا کے درمیان سوال و جواب پر مشتمل ہیں۔ اس میں پہلا ٹی وی ٹکر وہ ہے جس میں احتساب عدالت میں واجد ضیا نے اعتراف کیا ہے کہ کوئسٹ سالیسٹر نے پہلے وٹس ایپ پر تجزیہ بھیجا، دوسرے ٹی وی ٹکر میں خواجہ حارث کا سوال ہے کہ ’کس کے واٹس ایپ پر تجزیہ ملا؟تیسرے ٹی وی ٹکر میں جے آئی ٹی سربراہ واجد ضیا احتساب عدالت میں خواجہ حارث کے اس سوال کےجواب میں کس کے واٹس ایپ پر تجزیہ ملنے کے سوال کا جواب دیتے ہوئے کہتے ہیں کہ یہ میرا استحقاق ہے ، میں بتا نہیں سکتا۔ جبکہ کوئسٹ سالیسٹر کے بھیجے گئے واٹس ایپ تجزئیے سے متعلق بھی ایک ٹی وی ٹکر احتساب عدالت میں واجد ضیا کے بیان سے متعلق مریم نواز نے شیئر کیا ہے جس میں واجد ضیا خواجہ حارث کے سوال پر
جواب دیتے ہوئے کہہ رہے ہیں کہ اس واٹس ایپ کا ریکارڈ موجود نہیں۔ یہ ٹکر شیئر کرنے کے ساتھ مریم نواز نے اپنے پیغام میں کہا ہے کہ نواز شریف کے خلاف پورا مقدمہ واٹس ایپ پر تیا ہوا جس کا کوئی ریکارڈ موجود نہیں۔
