اسلام آباد (مانیٹرنگ ڈیسک)سیالکوٹ کے علاقے سمبڑیال میں لیگی رہنما کی فائرنگ سے صحافی ذیشان بٹ کے قتل پر سپریم کورٹ کا نوٹس، آئی جی پنجاب سے رپورٹ طلب کر لی۔ تفصیلات کے مطابق سیالکوٹ کے علاقے سمبڑیال میں لیگی رہنما کی فائرنگ سے صحافی ذیشان بٹ کے قتل پر سپریم کورٹ نے نوٹس لیتے ہوئے آئی جی پنجاب سے رپورٹ طلب کر لی ہے۔
واضح رہے کہ سیالکوٹ کے علاقے سمبڑیال میں لیگی رہنما نے فائرنگ کر کے صحافی کو قتل کر دیاتھا۔ سیالکوٹ کے علاقے سمبڑیال میں دکانداروں نے روزنامہ نوائے وقت کو بتایا کہ چیئرمین یونین کونسل بیگووالہ نے ناحق دکانداروں پر ٹیکس عائد کر رکھا ہے جس پر جب اس حوالے سے چیئرمین یونین کونسل بیگووالہ اور ن لیگ کے رہنما عمران اسلم چیمہ سے رابطہ کیا گیا تو وہ طیش میں آگیااوراپنے ساتھیوں کے ہمراہ آتشیں اسلحہ سے فائرنگ کے صحافی ذیشان اشرف بٹ کو فائرنگ کر کے شدید زخمی کر دیا ۔ ذیشان اشرف بٹ بعدازاں زخموں کی تاب نہ لاتے ہوئے جاں بحق ہو گئے۔ فرائض کی ادائیگی کے دوران ن لیگی چیئرمین کی فائرنگ سے صحافی کے قتل پر صحافتی تنظیموں میں شدید غم وغصہ پایا جارہا ہے، مقتول ذیشان اشرف بٹ کی نمازجنازہ (آج) 28مارچ کو دس بجے صبح قصبہ بیگووالہ میں ادا کر دی گئی ہے۔واضح رہے کہ چیئرمین یونین کونسل بیگووالہ کے حوالے سے اس سے قبل بھی خبریں منظر عام پر آچکی ہیں۔ چیئرمین یونین کونسل بیگووال کو ن لیگ کے اہم رہنما کی آشیرباد حاصل ہے اور اس کے خلاف اس سے قبل بھی مختلف شکایات منظر عام پر آتی رہی ہیں۔تاہم حکمران جماعت سے تعلق کی وجہ سے اس کے خلاف کسی قسم کی کارروائی عمل میں نہیں لائی جا سکی ۔
