اسلام آباد(مانیٹرنگ ڈیسک)وزیراعظم کا سینٹ الیکشن پر شکوک و شبہات کا اظہار، الزامات ، عمران خان نے الیکشن کمیشن میں درخواست دائر کر دی، وزیراعظم سے ثبوت اور شواہد کمیشن کے سامنے لانے کا مطالبہ۔ تفصیلات کے مطابق وزیراعظم شاہد خاقان عباسی کا سینٹ الیکشن پر شکوک و شبہات کا اظہار ہارس ٹریڈنگ سے متعلق بیانات کے ساتھ چیئرمین سینٹ پر تنقید پر کپتان کے صبر کا پیمانہ لبریز ہو گیا ہے اور عمران خان نے
وزیراعظم کے ہارس ٹریڈنگ کے بیانات کے بعد الیکشن کمیشن میں وزیراعظم کے خلاف درخواست دائر کر دی ہے۔ اپنی درخواست میں عمران خان نے موقف اختیار کیا ہے کہ وزیراعظم پاکستان شاہد خاقان عباسی نے سینٹ الیکشن میں ہارس ٹریڈنگ کا الزام لگاتے ہوئے سینٹ الیکشن کو مشکوک بنانے کی کوشش ہے، وزیراعظم الیکشن کمیشن میں سینٹ الیکشن سے متعلق کئے گئے اپنے دعووں کے حق میں شواہد اور ثبوت پیش کریں۔
