حسن ابدال(آن لائن)پاکستان پیپلز پارٹی کو انتخابی مہم شروع کرنے سے قبل دھچکا! پاکستان پیپلز پارٹی کا 30سالہ پرانے دھڑے نے طویل رفاقت خیر آباد کہتے ہوئے پی ٹی آئی میں شمولیت کا فیصلہ کر لیا۔ اکبر خان تنولی کی کاوشیں رنگ لے آئیں۔حتمی اعلان 6اپریل کو جلسہ عام میں کیا جائے گا۔ تفصیلات کے مطابق پی ٹی آئی کے مرکزی رہنماء اکبر خان تنولی کی کاوششوں کی بدولت پاکستان پیپلز پارٹی کا مضبوط ترین دھڑا اپنی 30سالہ رفاقت کو چھوڑ کر پی ٹی آئی میں شامل ہونے پر راضی ہو گیا ہے۔
پیپلز پارٹی کی جانب سے علاقے میں اپنے آپ کو مضبوط بنانے اور دوبارہ پارٹی میں جان ڈالنے کی کوششوں کے برعکس دیرینہ ساتھی سابق تحصیل صدر یوتھ ونگ پاکستان پیپلز پارٹی چوہدری طلعت مسعود نے اپنے عزیز و اقارب اور برادری سمیت پی ٹی آئی میں شامل ہونے کا فیصلہ کر لیا ہے۔پی ٹی آئی رہنماوں کے ساتھ ملاقات کے انہوں نے یہ فیصلہ کیا جس کا حتمی اعلان 6اپریل کو حصار گاوں میں جلسہ عام کے دوران کیا جائے گا۔ جلسہ میں اکبر خان تنولی سمیت جماعت کی دیگر مقامی قیادت بھی شرکت کرے گی۔
