اسلام آباد(مانیٹرنگ ڈیسک)پاکستان کی معروف ماڈل مہرین سید ٹیکس کلچر کے فروغ کیلئے پنجاب ریونیواتھارٹی کی برانڈ ایمبیسیڈرنامزد ۔نجی ٹی وی کے مطابق مہرین سید نے جی او آرون میں پنجاب ریونیو اتھارٹی ہیڈ کوارٹر کا دورہ کیااس موقع پرچیئرمین پنجاب ریونیواتھارٹی ڈاکٹرراحیل احمد،ایڈیشنل کمشنر ہیڈکوارٹر امان انورقدوائی، ڈائریکٹر کمیونیکیشن ردا قاسم نے

مہرین سید کا استقبال کیا۔اس  موقع پر مہرین سید کا کہنا تھا کہ ٹیکس کلچرکوپروان چڑھائے بغیر معاشرے میں خوشحالی کے خواب کو شرمندہ تعبیرنہیں کیا جاسکتا۔پنجاب ریونیو اتھارٹی ٹیکس کلچر کو پروان چڑھانے اور عوام میں آگاہی پیدا کرنے کیلئے 10 اپریل کو ٹیکس ڈے منائے گی۔ مہرین سید نے مزید کہا کہ  پنجاب ریونیواتھارٹی نے بہت کم وقت میں عوام کااعتمادحاصل کیا۔