لاہور ( این این آئی) کرکٹر شاہ زیب حسن کیس کا تفصیلی فیصلہ جاری کردیا گیا۔ تہتر صفحات پر مشتمل تفصیلی فیصلے میں شاہ زیب حسن پر ایک سال کی پابندی اور 10لاکھ روپے جرمانہ کیا گیا ہے۔گزشتہ سال پی ایس ایل کا حصہ رہنے والے شاہ زیب پر ایک سال کی پابندی کے علاوہ 10لاکھ روپے جرمانہ بھی عائد کیا گیا ہے۔ اسپاٹ فکسنگ کیس میں نام آنے پر شاہ زیب حسن کو 17مارچ 2017ء کو معطل کیا گیا تھا

۔واضح رہے کہ پی سی بی اینٹی کرپشن یونٹ نے 3شقوں کی خلاف ورزی پر انہیں چارج شیٹ جاری کی تھی جس میں کرکٹر شاہ زیب حسن پر کھلاڑیوں کو اکسانے، بکیوں کے رابطوں کی رپورٹ نہ کرنے اور معلومات کو چھپانے کا الزام لگایا گیا تھا۔شاہ زیب حسن کے کیس کی اینٹی کرپشن ٹریبونل میں 21 اپریل سے سماعت شروع ہوئی تھی۔ کیس کا فیصلہ 31جنوری کو محفوظ کیا گیا تھا۔