اسلام آباد (این این آئی)آئندہ عام انتخابات ،الیکشن کمیشن نے طریقہ کار میں بڑی تبدیلی کافیصلہ کرلیا، ڈسٹرکٹ ریٹرننگ افسران کی تعیناتی اب کس شعبے سے ہوگی؟تفصیلات منظر عام پرآگئیں،الیکشن کمیشن نے آئندہ عام انتخابات میں ڈسٹرکٹ ریٹرننگ افسران کی کی تعیناتی ماتحت عدلیہ کے جوڈیشل افسران سے کرنے کا فیصلہ کیا ہے ۔

جمعہ کو الیکشن کمیشن کی جانب سے جاری بیان کے مطابق الیکشن کمیشن نے الیکشن ایکٹ 2017ء کی شق 50 اور 51 کی ذیلی شق 1 اور 1C کی روشنی میں ہائیکورٹس کے رجسٹرارز کو خطوط ارسال کر دیئے ہیں اور ڈسٹرکٹ و سیشن ججز، ایڈیشنل سیشن ججز، سینئر سول ججز اور سول ججز کی فہرستیں مہیا کرنے کی درخواست کی ہے۔