راولپنڈی(این این آئی)وزیر دفاع انجینئرخرم دستگیرخان نے کہا ہے کہ بابرمیزائل کے کامیاب تجربہ سے پاکستان کو قابل اعتماددفاعی صلاحیت حاصل ہوگئی ہے، کامیابی پاکستان کی ملک میں خودانحصاری سے تیارکردہ کم ازکم دفاعی صلاحیت برقرار رکھنے کی پالیسی کی تائید ہے ۔جمعہ کو جاری بیان میں ترجمان وزارت دفاع نے کہا ہے کہ وزیر دفاع انجینئر خرم دستگیر خان نے پاکستان نیوی کے ملکی تیارکردہ آبدوز سے داغے گئے 450کلومیٹر تک

مار کرنے والے کروز میزائل بابر کے کامیاب ترین تجربہ کی تعریف کی ہے ۔انہوں نے کہا کہ کامیاب تجربے سے پاکستان کو قابل اعتماد دفاعی صلاحیت حاصل ہوگئی ہے۔انہوں نے کہا کہ یہ کامیابی پاکستان کی ملک میں خودانحصاری سے تیارکردہ کم ازکم دفاعی صلاحیت برقرار رکھنے کی پالیسی کی تائید ہے۔وزیردفاع نے کامیاب ترین میزائل تجربہ پرسائنسدانوں،انجینئرز اورسٹریٹجک سائنس اداروں کے عملہ کے ساتھ ساتھ نیول سٹریٹجک فورس کمانڈ کی بھی ستائش اورتعریف کی ۔