اسلام آباد (مانیٹرنگ ڈیسک)سپریم کورٹ میں نواز شریف اور افتخار چوہدری کے خلاف توہین عدالت کی درخواست سماعت کیلئے مقرر کر دی گئیں۔ نجی ٹی وی ایکسپریس نیوز کی رپورٹ کے مطابق سپریم کورٹ نے آئندہ ہفتے کیلئے کاز لسٹ جاری کردی ہے جس کے مطابق نواز شریف اور افتخار چوہدری کے خلاف توہین عدالت

کی درخواستیں سماعت کیلئے مقرر کردی گئی ہیں، چیف جسٹس توہین عدالت کی الگ الگ درخواستوں پر 4 اپریل کو سماعت کریں گے۔علاوہ ازیں سپریم کورٹ میں 19 ویں ترمیم کے خلاف دائر درخواست بھی سماعت کیلئے مقرر کردی گئی ہے جس کی سماعت چیف جسٹس کی سربراہی میں بینچ 2 اپریل کو کرے گا۔