نئی دہلی(آئی این پی) بھارتی بنک آئی ڈی بی آئی میں 772کروڑ روپے کا فراڈ سامنے آگیا،بینک سے یہ فراڈ فرضی دستاویزات پر قرض لے کر کیا گیا۔ بھارتی میڈیا کے مطابق پنجاب نیشنل بینک میں سامنے آنیوالے تقریباً14ہزار کروڑ روپے کے گھپلے کے بعد لگاتار بینک گھپلوں کے معاملات سامنے آنے کا سلسلہ جاری ہے۔ پی این بی، ایس بی آئی کے بعد

اب آئی ڈی بی آئی بینک میں فرضی دستاویزات کی بنیاد پر 772کروڑ روپے کا فراڈ کرنے کا معاملہ پیش آیا ہے۔ یہ فراڈ آندھرا پردیش اور تلنگانہ میں واقع بینک کی 5شاخوں میں ہوئے۔سی بی آئی نے ایف آئی آر درج کرلی ہے۔بینک ذرائع کے مطابق یہ گھپلہ بینک سے قرض کی شکل میں کیا گیا۔یہ قرض ماہی پروری کے نام پرفرضی دستاویز ات کے ذریعے حاصل کئے گئے تھے۔