ممبئی(این این آئی) بالی ووڈ اداکار سونوسود رنویر سنگھ کی نئی ایکشن فلم ’’سمبا‘‘ میں اداکاری کے جوہر دکھائیں گے۔بالی ووڈ کے معروف ایکشن ڈائریکٹر روہت شیٹھی نے کچھ ماہ قبل بالی ووڈ کے ورسٹائل اداکار رنویر سنگھ کے ساتھ فلم کرنے کا اعلان کیا تھا اور ساتھ ہی فلم ’سمبا‘ کا پوسٹر بھی جاری کیا تھا ۔ بعد ازاں فلم کے پروڈیوسر کرن جوہر نے سماجی رابطے کی ویب سائٹ پر اعلان کیا۔

کہ چھوٹے نواب کی بیٹی سارہ علی خان، رنویر سنگھ کے ساتھ فلم میں ایکشن میں نظر آئیں گی۔بھارتی میڈیا رپورٹس کے مطابق فلم میں سارہ علی خان کی بطور لیڈنگ لیڈی انٹری کے بعد اب سونو سود نے بھی ’’ سمبا ‘‘ کی ٹیم کو جوائن کرلیا ہے جو فلم میں ولن کا کردار ادا کرتے ہوئے دکھائی دیں گے۔بالی ووڈ اداکار سونو سود کی ایکشن ڈائریکٹر روہت شیٹھی کے ساتھ یہ پہلی فلم ہوگی جو 28 دسمبر کو سینما گھروں کی زینت بنے گی۔