راولپنڈی(آن لائن) قومی ایئر لائن (پی آئی اے )حکام نے پیرس میں منشیات سمگلنگ کے الزام میں گرفتار 2 ملازمین کے شریک جرم ہونے کئے شبہ میں 14مزید ملازمین کو تا حکم ثانی گراؤنڈ کرنے کا حکم دے دیا گیاپی آئی اے ذرائع کے مطابق پیرس میں2 فلائٹ سٹیورڈز (فضائی میزبانوں)سے4 کلو ہیروئین برآمدگی کی تحقیقات کے بعد ایئرلائن کے مزید6خواتین اور 8مرد ملازمین کومشکوک قرار دیا گیا ہے

اور انکی کڑی نگرانی شروع کر دی گئی ہے جبکہ مشکوک ملازمین کو تاحکم ثانی گراونڈ کر دیا گیا ہے،پی آئی اے ذرائع کے مطابق مشکوک قرار دیئے گئے معطل کیبن کریو ملازمین پیرس میں گرفتار فلائٹ سٹیورڈز کے قریبی ساتھی بتائے جاتے ہیں جن کے حوالے سے تمام اعلی افسران کو بھی آگاہ کر دیا گیا ہے ان مشکوک ملازمین کے سابقہ ریکارڈ کی جانچ پڑتال بھی شروع کر دی گئی ہے یاد رہے کہ 15مارچ کوقومی ایئر لائن (پی آئی اے) کے 2 فضائی میزبانوں(فلائٹ سٹیورڈز) کو4کلو منشیات سمگل کرنے پر مجموعی طور پر4 سال قید کی سزا سنادی گئی تھی جبکہ فرانس کی عدالت سے سزا پانے پر پی آئی اے حکام نے دونوں فلائٹ سٹیورڈز تنویر گلزار اور عامر معین کو برطرف کرنے کا فیصلہ گیا تھا ہے جسکے بعد پی آئی اے نتظامیہ نے منشیات سمگلنگ میں ملوث دونوں فلائٹ سٹیورڈز کو برطرف کرتے ہوئے محکمانہ طور پی آئی اے انتظامیہ نے فرانس کی عدالت سے فیصلے کی کاپی مانگ لی اور پیرس میں پی آئی اے کے سٹیشن ہیڈ کو عدالتی فیصلے کی کاپی حاصل کر کے فوری طور پر سی ای او پی آئی اے مشرف رسول کو بجھوانے کی ہدایت کی تھی جس کے موصول ہونے کے بعد قانونی کارروائی عمل میں لاتے ہوئے قومی ایئرلائن کی بدنامی کا باعث بننے والے دونوں فضائی میزبانوں کو نوکری سے برطرف کے مزید14ملازمین کو گراؤنڈ کر دیا گیا ہے