اسلام آباد (مانیٹرنگ ڈیسک)2013کے انتخابات میں جنرل اشفاق پرویز کیانی نے ن لیگ کی مدد کی ، ن لیگ کیساتھ ابھی بھی رابطے میں ہیں ، حامد میر کے انکشافات۔ تفصیلات کے مطابق معروف صحافی حامد میر نے نجی ٹی وی پروگرام میں گفتگو کرتے ہوئے کہا ہے کہ 2013کے الیکشن میں سابق آرمی چیف جنرل(ر) اشفاق پرویز کیانی نے ن لیگ کی مدد کی تھی۔ خیال رہے کہ
جنرل(ر)اشفاق پرویز کیانی اس وقت آرمی چیف تھے۔ حامد میر کا کہنا تھا کہ جنرل کیانی نے 25آزاد ایم این اے ن لیگ میں شامل کروائے اور میں وقت آنے پر ان کے نام بھی بتائوں گا۔ حامد میر نے مزید انکشاف کرتے ہوئے کہا کہ ن لیگ کے ابھی بھی جنرل کیانی سے رابطے ہیں تاہم ن لیگ کو واضح پیغام دے دیا گیا ہے کہ عدالت کے خلاف ن لیگ کسی تعاون کی امید نہ رکھے۔
