لاہور (این این آئی )پاکستان تحریک انصاف کی مرکزی رہنما ڈاکٹر یاسمین راشد نے کہا کہ قوم اپنی لوٹی ہوئی پائی پائی کی وصولی چاہتی ہے ، آئندہ انتخابات میں پی ٹی آئی بھرپور کامیابی حاصل کی کرے گی ، پی ٹی آئی کی مقبولیت میں روز بروز اضافہ ہو رہا ہے ۔اپنے ایک بیان میں انہوںنے کہاکہ حکمرانوں نے ملکی معیشیت تباہ کر دی ہے ، ڈالر کی قیمت کو کنٹرول کرنے
میں موجودہ کٹھ پتلی حکومت بری طرح ناکام ہو چکی ہے ،روپے کی قیمت میں کمی اور ڈالر کی قیمت بڑھنے سے ملکی قرضوں میں خطر ناک حد تک اضافہ ہو چکا ہے ، اس تمام بحران اور تباہی کے زمہ دار نواز شریف مافیا ہے ، پی ٹی آئی ملک کو ایک دیانت دار قیادت فراہم کرے گی اور عوام کے بنیادی مسائل حل کرنے اور فرسودہ نظا م کی تبدیلی تک پی ٹی آئی چین سے نہیں بیٹھے گی ۔
