اسلام آباد(آئی این پی ) اسلام آباد ہائیکورٹ نے چودھری شوگر ملز ریکارڈ ٹمپرنگ کیس کے ملزم ظفر حجازی کی مقدمہ خارج کرنے کی درخواست مسترد کر تے ہوئے ٹرائل کورٹ کو کارروائی جاری رکھنے کا حکم دیدیا۔ پیر کو اسلام آباد ہائیکورٹ کے جسٹس محسن اختر کیانی پر مشتمل سنگل رکن بنچ نے ایس ای سی پی ریکارڈ ٹمپرنگ کیس
کے ملزم ظفر حجازی کی مقدمہ خارج کرنے کی درخواست مسترد کر دی ،عدالت نے اپنے ریمارکس میں کہاہے کہ رپورٹ کے مطابق ریکارڈٹمپرنگ ہوئی ہے ،عدالت نے ٹرائل کورٹ کو کارروائی جاری رکھنے کا حکم دے دیا۔ظفر حجازی نے کہا ہے کہ وہ اسلام آباد ہائیکورٹ کے فیصلے کو سپریم کورٹ میں چیلنج کریں گے ۔
